मुख्य सामग्रीमा जानुहोस्

समाचार

देश

व्यवसाय गर्न कति हन्डर खानुपर्छ ?

abhiyandaily.com

दर्ता गरेर व्यवसाय गरौं बिचौलिया र धाउनुपर्ने निकाय धेरै छन् । दर्ता नगरी व्यवसाय गरौं कानूनी फन्दामा परिएला भन्ने डर छ । न त कानून मान्दा नै सहज न त कानून उल्लंघन गर्न नै सकिने । यो द्विविधा सबै उद्यमीहरूमा रहेको छ । यस कारण पनि व्यवसायहरू दर्ता हुन र दर्ता भएकाहरू पनि फस्टाउन सकिरहेका छैनन् । व्यवसायहरू स्थापना नहुनु, व्यवसाय नफस्टाउनु देशको आर्थिक वृद्धि नहुनुको एक मुख्य कारक तत्त्व हो । सरकारले विभिन्न समयमा उद्यमीहरूलाई विभिन्न किसिमका छूट, सुविधा तथा सहुलियतहरू दिने गरेको छ । तर, त्यस्ता सुविधा र सहुलियतहरू दर्ता गर्दाको बखत नभई दर्ता भइसकेपछि मात्र प्राप्त हुन्छ । उद्यमीहरूको मुख्य समस्या उद्यम शुरू गर्ने बेलामा नै हुने गरेको छ । कम्पनी दर्ता गर्दा कम्पनीको नाम लिनलाई नै २ हप्ता कुर्नुपर्ने बाध्यात्मक व्यवस्था कम्पनी निर्देशिका २०७२ मा रहेको छ । कम्पनीका उद्देश्यहरू राख्दा कम्पनी ऐन २०६३ बमोजिम नभई कर्मचारीहरूले भने बमोजिम गर्नुपर्छ । कम्पनी रजिस्ट्रारको कार्यालयबाट नै कर प्रयोजनका लागि स्थायी लेखा नम्बर जारी हुन्छ तर उक्त स्थायी लेखा नम्बर लिन व्यवसायी आफै कर कार्यालय पुग्नुपर्छ । कर कार्यालयबाट स्थायी लेखा नम्बरको प्रमाणपत्र नलिई कारोबार गरेमा त्यो गैरकानूनी हुन जान्छ । तर, कर कार्यालयले कम्पनीले नै सुनिश्चित गरिदिएको नम्बर दिने गर्छ । कम्पनी रजिस्ट्रारको कार्यालय स्थायी लेखा नम्बर सुनिश्चित गरिदिन सक्छ तर प्रमाणपत्र दिन सक्दैन, जसले गर्दा सेवाग्राही दुईओटा सरकारी निकायमा धाउन बाध्य हुन्छन् ।

विवरणहरू भनेको समयमा दाखिला गरिएन भने त १ लाख पूँजी भएको कम्पनीलाई एकै लाखसम्म जरीवाना लाग्नेसमेत हुन्छ ।

स्रोतमा पूरा पढ्नुहोस् (abhiyandaily.com)