इमानको खाँचो

राजनीतिक नेतृत्व प्रतिजनताको चरम निराशा छ। अन्तर्राष्ट्रिय स्तरको खेलमा खेलाडीको हौसला बढाउन भनेर देशका प्रधानमन्त्री जानुहुन्छ। खेल मैदानमा पुग्दा प्रधानमन्त्री जिन्दावादका नारा लाग्नुपर्थ्यो, जनताले खुसी हुनुपर्थ्यो तर विडम्बना त्यहाँ प्रधानमन्त्री मुर्दावादका नारा लागे।

मुलुकको समृद्धि र विकासका लागि नेताहरूको सोचमा कुनै सुधार आएको छैन। जस्तोसुकै राम्रो व्यवस्था आए पनि नेताहरूको सोच परिवर्तन नभएसम्म समृद्धि सम्भव छैन। देश र जनताप्रति नेताहरूमा समर्पणको भाव आयो भने जनतामा पनि ऊर्जा थपिन्छ। संघीय गणतन्त्र पनि आइसक्यो। अब व्यवस्था परिवर्तनका लागि आन्दोलनको आवश्यकता छैन। अब आवश्यकता छ त– देश बनाउने र देशको अवस्थामा परिवर्तन ल्याउने।