गाजा युद्ध अन्त्यतर्फ : हमासले हतियार त्याग्ने योजनामा सहमति जनाएको अमेरिकाको दाबी

गाजामा झण्डै तीन वर्षदेखि जारी युद्ध अन्त्य गर्ने दिशामा महत्त्वपूर्ण मानिएको नयाँ पहलमा विद्राेही समूह हमासले पहिलो पटक पूर्ण निःशस्त्रीकरणको रूपरेखा स्वीकार गरेको बताइएको छ । बीबीसी का अनुसार, अमेरिकी राष्ट्रपति डोनाल्ड ट्रम्पले 'बोर्ड अफ पिस'को पहलमा हमास र गाजाका अन्य सशस्त्र समूहहरूको पूर्ण निःशस्त्रीकरणसम्बन्धी सहमति भएको बताएका छन् । हमासका एक वरिष्ठ अधिकारीले पनि उक्त योजनामा सहमति भएको पुष्टि गरेका समाचारमा उल्लेख छ ।

योजनाअनुसार हमासले आफ्ना बाँकी रहेका हतियार, सैन्य उत्पादन केन्द्र र सुरुङहरूको विवरण उपलब्ध गराउनेछ । भारी हतियारहरू नयाँ प्यालेस्टिनी प्रशासनको निगरानीमा राखिनेछन् र ती इजरायललाई हस्तान्तरण गरिने छैनन् ।