खेलौनाका पुर्जा खोलेर उत्सुकता मेटाउने ती बालक, यसरी बने एआईका प्रोफेसर

काठमाडौँ । झन्डै पाँच दशकअघि राजधानीको एउटा पुरानो विद्यालय शान्ति निकेतनको कक्षा कोठामा एउटा बालक झ्यालबाट बाहिर हेर्दै टोलाइरहन्थ्यो । शिक्षकले बोर्डमा के लेखिरहेका छन्, के पढाइरहेका छन् भन्ने कुरामा ती बालकको खासै रुचि थिएन । उनलाई कक्षा कोठाका पुराना पाठ र घोक्ने तरिका निकै पट्यार लाग्थ्यो । तर, जब उनी विद्यालयबाट घर फर्किन्थे, उनको कोठा एउटा प्रयोगशालामा परिणत हुन्थ्यो ।