मधेशका ११ परीक्षा केन्द्रमा त्रिविको एमबीएस परीक्षा स्थगित

काठमाडौं– मधेश प्रदेशका विभिन्न जिल्लामा उत्पन्न असहज परिस्थितिका कारण त्रिभुवन विश्वविद्यालय (त्रिवि) ले एमबीएस दोस्रो तहअन्तर्गत MKT 511: Marketing Management विषयको परीक्षा ११ केन्द्रमा स्थगित गरेको छ।

व्यवस्थापन संकाय, डीन कार्यालयका अनुसार स्थगित परीक्षाको नयाँ मिति पछि सार्वजनिक गरिनेछ। अन्य विषयका परीक्षा भने पूर्वनिर्धारित तालिकाअनुसार सञ्चालन हुनेछन्।