रोनाल्डोले पोर्चुगलको राष्ट्रिय टोली छाडे

एजेन्सी । क्रिस्टियानो रोनाल्डोले पोर्चुगलको राष्ट्रिय टोलीको प्रशिक्षण क्याम्प छाडेका छन् । उनले बिहीबार डेनमार्कविरुद्ध हुने खेलअघि टोलीबाट बाहिरिने निर्णय गरेका हुन् ।

रोनाल्डोले नेसन्स लिगको पहिलो खेलमा वेल्सविरुद्ध सुरुवाती खेलाडीका रूपमा खेलेका थिए । उक्त खेलमा पोर्चुगल १–० ले विजयी हुँदा उनी ६७औँ मिनेटमा मैदानबाट बाहिरिएका थिए । त्यसपछि नर्वेविरुद्धको २–१ को जितमा भने उनी बेन्चमै रहे र मैदान प्रवेश गरेनन् ।