म्यानचेस्टर सिटीमाथिको कारबाही सिजन सकिनुअघि टुंग्याउन माग

प्रिमियर लिगका आर्थिक नियम उल्लंघन गरेको ठहर भइसकेपछि म्यानचेस्टर सिटीमाथि हुने कारबाही यही सिजनको अन्त्यअघि टुंग्याउनुपर्ने माग उठेको छ।

प्रिमियर लिगले मंगलबार सिटीलाई सन् २००९-१० देखि २०१७-१८ सम्मका सिजनमा आर्थिक नियम उल्लंघन गरेको आरोपमा दोषी ठहर गरेको थियो। सिटीमाथि प्रायोजन सम्झौतामार्फत आम्दानी कृत्रिम रूपमा बढाएको लगायतका गम्भीर आरोप लागेका थिए। प्रिमियर लिगको दाबीअनुसार सिटीले ‘कृत्रिम’ प्रायोजन सम्झौतामार्फत ९० करोड पाउन्डभन्दा बढी आम्दानी बढाएको थियो।