विदेशमा रहेका कार्यालय अर्थमन्त्रीले खारेज गरे, पराराष्ट्रमन्त्रीले ब्युँताए

काठमाडौं । प्रधानमन्त्री तथा मन्त्रिपरिषदको कार्यालयले परराष्ट्र मन्त्रालयको संगठन तथा व्यवस्थापन सर्वेक्षण (ओएन्डएम) टुंग्याएको छ। ओएन्डएमले परराष्ट्र मन्त्रालय मातहतका निकाय तथा विदेशस्थित नियोगमा ५ सय ३२ कायम दरबन्दी कायम गरेको छ। विगतमा ५४९ दरबन्दी रहेकोमा १७ दरबन्दी कम भएको हो।

१२ दरबन्दी थप र २९ कटौती गर्दा ५ सय ३२ कायम पुगेको परराष्ट्र मन्त्रालयका प्रवक्ता लोकबहादुर पौडेल क्षेत्रीले बताए। नयाँ संरचनाअनुसार मन्त्रालय, राहदानी विभाग, कन्सुलर सेवा विभाग, राष्ट्रपति तथा प्रधानमन्त्री कार्यालय, प्रदेश प्रमुखका कार्यालय र विदेशस्थित नियोगसमेत गरी कुल ५३२ दरबन्दी कायम भएका छन्।