बल्ल छाड्यो भारतले गण्डक नहरमा पानी

वीरगन्ज । पर्सा, बारा र रौतहटका ३७ हजार ४ सय हेक्टर खेतीयोग्य जमिन सिँचाइ गर्न बनेको गण्डक नहरमा बल्ल भारतले पानी छाडेको छ । मध्यतराईका यी तीनवटै जिल्लामा अकासे पानी आउन थालेपछि भारतले पनि गण्डक नहरमा पानी छाडेको हो ।

पहिलेको सम्झौतामा धान सिजनका लागि २७ वैशाखबाटै पानी छाड्ने भनिएको छ । तर, सम्झौता भएयता झन्डै तीन दशकदेखि असार दोस्रो साताबाट मात्र भारतले पानी छाड्ने गरेको छ । यसमा नेपाल र उसको संयन्त्रको पनि केही कमजोरी रहेको भेटिएको छ । भारतले यस वर्ष छिट्टै पानी छाडेको भनिए पनि सम्झौताभन्दा ४९ दिन ढिलो गरी छाडेको हो ।