स्विट्जरल्यान्डले इन्फान्टिनोलाई दिएको समर्थन फिर्ता लियो

स्विस फुटबल संघ (एसएफभी) ले फिफा अध्यक्ष जियानी इन्फान्टिनोको आगामी फिफा अध्यक्ष निर्वाचनमा पुनः उम्मेदवारीलाई दिएको समर्थन फिर्ता लिएको छ।

एसएफभीको कार्यसमितिले गत शुक्रबार बसेको बैठकबाट जुन २०२६ मा इन्फान्टिनोको उम्मेदवारीलाई दिएको समर्थन फिर्ता लिने निर्णय गरेको हो। स्विस फुटबल संघका अध्यक्ष पिटर नाबेलले फिफाको नेतृत्वले पारदर्शिता, जवाफदेहिता र संस्थागत जिम्मेवारीका उच्च मापदण्ड कायम गर्नुपर्ने बताए।