सुशान्त र सुखान्त बनोस् दसैं

नेपाली घरआँगनमा भित्रिइसकेको छ, बडादसैं । यस वर्ष विजयादशमी हामी नेपालीका लागि खल्लो पनि छ । केही दिनअगाडि मात्रै मुलुकमा भएको हत्या, रक्तपात, आगजनी, लुटपाट र आतंक कहिल्यै बिर्सन सकिँदैन । सम्झँदै मन खिन्न हुने, मन मस्तिष्कलाई चस्काउने, कलह र अशान्तिको धरातलमै उभिएर हामी विजय दशमी मनाउन बाध्य छौं । यसको विकल्प पनि छैन हामीसँग । तथापि, विजयादशमी २०८२ को अवसरमा दुर्गामाताले नेपालीलाई परेको शोक र सन्तापलाई सहन गर्ने र सन्ताप हर्ने माध्यम बनिदियोस् भन्ने कामना गरौं । यसक्रममा दसैंका समय अपनाउनुपर्ने सुरक्षा सावधानीसम्बद्ध आधारभूत मापदण्ड आलेखमार्फतै पाठकसम्म पु¥याउने प्रयास छ ।

क्षणभरमै निम्तन्छ, सुरक्षा चुनौती