जेनजी आन्दोलनः कर्णाली सदरमुकामका सरकारी कार्यालयमा २१ करोडबढी क्षति

सुर्खेत । जेनजी आन्दोलनका कारण सुर्खेतका सरकारी कार्यालयमा मात्रै २१ करोडभन्दा बढीको क्षति भएको छ । आन्दोलन हिंसात्मक बनेसँगै आगजनी र तोडफोड हुँदा सुर्खेतस्थित सार्वजनिक तथा निजी सम्पत्तिमा व्यापक मात्रामा क्षति पुगेको हो ।

जिल्ला प्रशासन कार्यालयले संघ, प्रदेश र स्थानीय सरकार मातहतका कार्यालय तथा निकायमा भएको क्षतिको विवरण मात्र सार्वजनिक गरेको छ । सम्बन्धित कार्यालय प्रमुख र प्रहरीको रोहबरमा जिल्लास्तरीय लगत संकलन कार्यदलले सो विवरण तयार पारेको हो । निजी सम्पत्ति, राजनीतिक दलका कार्यालयमा भएको क्षतिको विवरण संकलन गर्न बाँकी रहेको प्रशासनले जनाएको छ ।