कार्डियो भास्कुलर सर्जन नहुँदा मिर्गौलापीडितको फिस्टुला बनाउन समस्या

धनगढी । कैलालीको घोडाघोडी नगरपालिका–८ दीपनगरका बलबहादुर चौधरीको मिर्गौला खराब भएको डेढ वर्ष भयो । गाउँमै सिलाइकटाइ गरेर आम्दानी गर्ने चौधरी बिरामी भएपछि अहिले घर खर्च चलाउनै समस्या भएको छ ।

एक छोरा र छोरी अनि श्रीमतीको लालनपालन सिलाइकटाइबाट गर्दै आएका चौधरीका दुवै मिर्गौला फेल भएपछि परिवारको बिचल्ली भएको छ । सम्पत्तिको नाममा १० धुर जग्गा र त्यसैमा बनेको सामान्य घर रहेको बताउने चौधरी बिरामी भएपछि उनीहरूको आम्दानीको स्रोत सुकेको छ ।