तराईको तनावप्रति नाडाको ध्यानाकर्षण, संयमता अपनाउन आग्रह

काठमाडौं- पूर्वी नेपाल, विशेषगरी सुनसरीको कप्तानगञ्जलगायत तराईका केही जिल्लामा देखिएको अशान्तिपूर्ण गतिविधि र हिंसात्मक घटनाप्रति नाडा अटोमोवाइल्स एशोसिएशन अफ नेपालले गम्भीर चासो व्यक्त गरेको छ।

नाडाका अध्यक्ष सुरेन्द्रकुमार उप्रेतीले विज्ञप्ति जारी गर्दै हिंसात्मक गतिविधि, तोडफोड तथा सामाजिक सद्भाव बिथोल्ने कुनै पनि कार्य स्वीकार्य नहुने बताएका छन्। यस्ता घटनाले शान्ति सुरक्षासँगै उद्योग–व्यवसाय, लगानी, नागरिकको दैनिक जीवन र समग्र अर्थतन्त्रमा नकारात्मक असर पार्ने उनको भनाइ छ।