चितवनका ६ चोकमा ट्राफिक लाइट जडान गरिँदै (तस्बिर)

चितवन– चितवनको मुख्य सहर भरतपुरभित्रका ६ वटा व्यस्त चोकमा सवारी आवागमनलाई सुरक्षित, प्रविधिमैत्री र व्यवस्थित बनाउन अत्याधुनिक ट्राफिक लाइट जडानको कामले तीव्रता पाएको छ । सडक डिभिजन कार्यालयको प्राविधिक सहयोग र बजेटमा अगाडि बढेको यस आयोजनाको हालसम्म ५० प्रतिशतभन्दा बढी काम सकिएको छ ।

असोज २० गतेभित्रै बत्ती बालेर केही चोकमा लाइट सञ्चालनमा ल्याउने लक्ष्य राखिए पनि लगातारको वर्षाका कारण उच्च भोल्टेज (हाइटेन्सन) लाइनको विद्युतीय काम प्रभावित हुँदा केही ढिलाइ भएको छ । यद्यपि, मौसममा सुधार आएसँगै दसैँअघि नै ६ वटै चोकका बत्ती पूर्ण रूपमा बालेर सञ्चालनमा ल्याउने गरी काम भइरहेको छ ।