एमाले ओखलढुंगा पार्टी कार्यालयमा ताला

खोटाङ — एमाले केन्द्रले अस्मिता थापालाई टिकट दिएकोप्रति असन्तुष्ट जनाउँदै एमाले ओखलढुंगा पार्टी कार्यालयमा ताला लगाइएको छ ।

जिल्ला कमिटीले सिफारिस नगरेको व्यक्तिले टिकट पाएको भन्दै त्यसलाई सच्याउन माग गर्दै एमाले ४ जनवर्गीय संगठनले आइतबार ताला लगाएका हुन् । भ्रातृ संगठनहरू राष्ट्रिय युवा संघ, अनेरास्ववियु, अखिल नेपाल महिला संघ र नेपाल खेलकुद महासंघले निर्णय सच्याउन माग गर्दै अनिश्चितकालका लागि ताला लगाएको आइतबार जारी संयुक्त प्रेस विज्ञप्तिमा उल्लेख छ ।