वेबसाइट अद्यावधिक गर्न निर्देशन

बैतडीमा सरकारी कार्यालयबाट हुने सूचना प्रवाहलाई नियमित, व्यवस्थित र प्रभावकारी बनाउन सूचना अधिकारीहरूको बैठकले विभिन्न निर्णय गरेको छ ।

जिल्ला प्रशासन कार्यालयमा प्रमुख जिल्ला अधिकारी मिना अर्यालको अध्यक्षतामा बसेको सरकारी कार्यालयका सूचना अधिकारीहरूको बैठकले सर्वसाधारणलाई सहज र पारदर्शी रूपमा सूचना उपलब्ध गराउने व्यवस्था प्रभावकारी बनाउने निर्णय गरेको हो ।