भोटेकोसी बाढीको पाठ

नेपालको हिमाली भूभागबाट पहिरो, हिमपहिरो, हिम–चट्टानयुक्त पहिरो, हिमताल फुटेर आउने बाढी, गेग्य्रानयुक्त बाढी र आकस्मिक बाढी जस्ता विपद् छुट्टाछुट्टै नभएर शृंखलाबद्ध बन्न सक्छन् भन्ने तथ्य ल्हेन्दे जलाधार क्षेत्रमा गएको चट्टानसहितको हिउँ पहिरोले उजागर गरिदियो। हिमनदी, हिमताल विस्फोटन वा ठुला पहिरो खस्दा तलको खोला वा नदी थुनिन सक्छन्।

केही समय पानी र गेग्य्रान जम्मा भएर अवरोध हटेपछि अत्यन्त तीव्र वेगले पानी मिश्रित गेग्य्रान तलतिर दौडिनु स्वाभावकि नै भयो। यस्ता घटनालाई ‘शृंखलाबद्ध विपद्’ भन्न सकिन्छ। उपलब्ध तस्बिरहरूले भने १० भदौमा ल्हेन्दे खोला–लाङटाङ क्षेत्रबाट सुरु भएको चट्टानयुक्त हिम पहिरो छोछेन वा ल्हेन्दे खोलामा थुनिएर धेरै ठुलो अस्थायी ताल बनाएको र विस्फोटन भएको भने देखिँदैन।