सामाजिक सद्भाव र राष्ट्रिय एकता सुदृढ बनाउने राष्ट्रिय सुरक्षा परिषद्को निर्णय

काठमाडौँ। राष्ट्रिय सुरक्षा परिषद्को बैठकले सामाजिक सद्भाव, राष्ट्रिय एकता र मुलुकको समग्र सुरक्षा अवस्थालाई थप सुदृढ बनाउन सुरक्षा निकाय तथा सरोकारवाला निकायबीचको समन्वय प्रभावकारी बनाउने निर्णय गरेको छ।

प्रधानमन्त्री तथा राष्ट्रिय सुरक्षा परिषद्का अध्यक्ष वालेन्द्र साहको अध्यक्षतामा सिंहदरबारस्थित परिषद् सचिवालयमा बिहीबार बसेको बैठकले देशको समग्र सुरक्षा अवस्थाको समीक्षा गर्दै सामाजिक सद्भाव कायम राख्न सबै निकायबीच निरन्तर समन्वय र सहकार्यलाई प्राथमिकता दिने निर्णय गरेको हो।