बाढीभन्दा ठूलो हल्लाले थलियो पर्यटन

वर्षा, भोटेकोशी बाढी–पहिरोका कारण पर्यटन क्षेत्रमा ठूलो मानवीय र भौतिक क्षति भएकै छ। तर, मध्य नेपालमा भएको क्षतिलाई देशभरि नै भएकोजस्तो हल्लाको असर नेपालको समग्र पर्यटन क्षेत्रमा परेको छ। देशका ८० प्रतिशतभन्दा बढी पर्यटकीय क्षेत्र र पदमार्गहरू सुरक्षित र खुला भए तापनि गलत सूचनाका कारण हजारौं विदेशी पर्यटकले बुकिङ रद्द गर्दा स्थानीय अर्थतन्त्र र व्यवसायी संकटमा परेका छन्।

काठमाडौं : पर्यटकीय सिजनको सुरुवातमै प्रकृतिको नजर पर्‍यो। असोज पहिलो सातादेखि असोज ११ सम्म थामिनै नमानेको झरी, नदीहरूमा उर्लिएको बाढी र पहाडहरूबाट खसेको पहिरोले देशका धेरै ठाउँमा गहिरो घाउ छोडेर गयो।