‘पेन्सन पट्टा’: धनभन्दा ठूलो त्याग र अव्यक्त प्रेमको मार्मिक कथा

काठमाडौं- ‘पेन्सन पट्टा’: धनभन्दा ठूलो त्यागको कथा, अव्यक्त प्रेमको गहिरो अनुभूति लाहुरे समाजको परिवेश, मौलिक गुरुङ संस्कृति र मानवीय संवेदनालाई पर्दामा उतार्दै भदौ २६ मा आउँदैछ ‘पेन्सन पट्टा’ नेपाली फिल्म अहिले भावुक कथाहरूको दौरमा छ । तर सबै फिल्मले दर्शकलाई केवल रुवाउने वा मनोरञ्जन दिने उद्देश्य मात्र बोकेका हुँदैनन् ।

केही फिल्म यस्ता पनि हुन्छन्, जसले दर्शकलाई आफ्नो जीवन, सम्बन्ध र मूल्यबोधबारे फेरि एकपटक सोच्न बाध्य बनाउँछन् । निर्देशक माओत्से गुरुङको नयाँ फिल्म ‘पेन्सन पट्टा’ त्यस्तै एउटा फिल्म बन्ने संकेत देखिएको छ । भदौ २६ गतेदेखि प्रदर्शनमा आउन लागेको यो फिल्म ले धन, सम्पत्ति र व्यक्तिगत स्वार्थभन्दा माथि उठेर त्याग, अव्यक्त प्रेम, मानवीय सम्बन्ध र आत्मिक सन्तुष्टिको कथा भन्छ ।