चार खेलले देखाएको नेपाली क्रिकेटको ऐना: ब्याटिङ ढल्यो, अबको बाटो कता ?

नेदरल्यान्ड्समा चारै खेल गुमाएपछि नेपालको विश्वकप सपना मात्र होइन, एकदिवसीय क्रिकेट खेल्ने हैसियतमाथि समेत प्रश्न उठेको छ । अब सुधार नगरे नेपाली क्रिकेट कठिन मोडमा पुग्ने खतरा पनि बढेको छ ।

नेपाली क्रिकेट टोली नेदरल्यान्ड्स जाँदा लक्ष्य केवल खेल खेल्नु थिएन । लक्ष्य थियो—विश्वकप लिग–२ मा महत्वपूर्ण अंक जोड्ने, विश्वकप छनोटको सम्भावना बलियो बनाउने र नेपाली क्रिकेटले अन्तर्राष्ट्रिय स्तरमा बनाएको पहिचानलाई अझ माथि पु¥याउने थियो । तर चार खेलपछि कथा ठीक उल्टो भयो । जारी विश्वकप लिग २ को आफ्नो आठौं शृंखलामा नेपाल चार खेलमा अंकविहीन बन्यो । अर्थात् एउटा पनि जित हासिल गर्न सकेन ।