तीर्थयात्री बोकेको बस दुर्घटना हुँदा २१ जनाको मृत्यु

भारतको जम्मूमा तीर्थयात्री बोकेको बस बिहीबार दिउँसो दुर्घटना हुँदा २१ जनाको मृत्यु भएको छ भने ४० भन्दा धेरै घाइते भएका छन्। भारतीय सञ्चारमाध्यमका अनुसार उक्त बस तीर्थयात्रीहरूले भरिएको थियो।

बस जम्मू–पुन्छ राजमार्गमा पर्ने काली धर मन्दिर नजिकै टाङ्ली मोडमा १५ मिटर तल खाल्डोमा खसेको अधिकारीहरूले बताएका छन्। बसमा ७० भन्दा धेरै यात्रु रहेका बताइएको छ।