बहुमत सरकारको शक्ति होला, तर शासकीय कौशल सरकारको परीक्षा हो, हेक्का राख्नु : आङदेम्बे

नेपाली कांग्रेसका नेता तथा प्रतिनिधिसभा सदस्य भीष्मराज आङदेम्बेले बहुमतको सरकार भन्दै धाक नदेखाउन सरकारलाई आग्रह गरेका छन्। बिहीबार बसेको प्रतिनिधिसभाको बैठकमा बोल्दै आङदेम्बेले संसदमा रहेको बहुमत सरकारको शक्ति भए पनि त्यसलाई परिणाममा बदल्ने शासकीय कौशल नै सरकारको परीक्षा भएको बताए।

‘बहुमत सरकारको शक्ति त होला। तर शासकीय कौशल भनेको सरकारको परीक्षा हो। यसलाई हेक्कामा राख्नुहोस्। संसदमा प्राप्त संख्याले पाँच वर्ष शासन टिकाउन सकिन्छ, तर शासनको अक्षमताले मुलुकलाई पाँच वर्ष पछाडि धकेलिदिन सक्छ,’ उनले भने।