विभाजनको संघारमा जसपा : उपेन्द्र यादवलाई सोधियो ७ बुँदे जवाफी स्पष्टीकरण, 'मुद्दा समाधान गराउँदा तपाईलाई किन ठेस पुग्यो?'

काठमाडौं : जनता समाजवादी पार्टी (जसपा) नेपाल फुटको संघारमा पुगेको छ। पार्टीमा एक अध्यक्षले अर्को अध्यक्षलाई स्पष्टीकरण सोध्ने, कारवाही गर्ने गतिविधिले पार्टीलाई फुटको दिशातिर अग्रसर गराएको हो।

सोमवार राती अध्यक्ष महन्थ ठाकुरले अर्का अध्यक्ष उपेन्द्र यादवलाई ७ बुँदे स्पष्टीकरण सोधेका छन्। अध्यक्ष ठाकुरले पार्टीको मूल्य मान्यता नीति तथा विधान विपरीत कामकारवाही गरेको भन्दै पार्टी विधानको दफा ४९ मा भएको अनुशासनको कारवाही सम्बन्धी व्यवस्थानुसार स्पष्टीकरण सोधेका हुन्। उपेन्द्रलाई जवाफ पठाउन ३ दिनको समय दिइएको छ।