भियतनामी उपराष्ट्रपति नेपाल आउँदै

समाजवादी गणतन्त्र भियतनामका उपराष्ट्रपति भो थि आन सुआन नेपालको तीनदिने औपचारिक भ्रमणका लागि शनिबार काठमाडौँ आउन लागेकी छन्। उपराष्ट्रपति रामसहायप्रसाद यादवको मैत्रीपूर्ण निमन्त्रणामा सुआन नेपाल भ्रमणमा आउन लागेकी हुन् ।

परराष्ट्र मन्त्रालयले आज विज्ञप्तिमार्फत उपराष्ट्रपति सुआनले यही भदौ ७ देखि ९ गतेसम्म नेपालको भ्रमण गर्ने जनाएको छ । भियतनामको तर्फबाट यो पहिलो उच्चस्तरीय भ्रमण हो ।