पाकिस्तानविरुद्ध धमाकेदार प्रदर्शन गरेका कोहलीको वरियतामा छलाङ

टी–२० विश्वकपमा पाकिस्तानविरुद्ध ८२ रनको म्याच-विनिङ इनिङ खेलेका विराट कोहली आइसीसीको पछिल्लो टी–२० वरीयतामा पाँच स्थानमाथि उक्लिएका छन् ।

बुधबार सार्वजनिक भएको टी–२० अन्तर्राष्ट्रिय ब्याटिङ वरीयतामा कोहली फेरि शीर्ष १० मा परेका छन् र नवौँ स्थानमा आइपुगेका छन् । कोहलीले अक्टोबर २३ मा मेलबर्नमा शानदार इनिङ खेलेका थिए । ३३ वर्षीय ब्याट्सम्यानले आफ्नो इनिङ्समा ६ चौका र चार छक्का प्रहार गरेका थिए ।