घानामा बितेका उनको शव २५ दिनपछि आइपुग्यो घर

अवैध बाटो अमेरिका जाने क्रममा अफ्रिकी मुलुक घानामा अस्ताएका दाङका पूर्णबहादुर डाँगीको शव २५ दिनपछि शुक्रबार घर ल्याइएको छ।

तल्लो बाटो भनिने अवैध मार्ग हुँदै अमेरिका प्रवेश गर्न झन्डै डेढ वर्ष लामो प्रयास चलिरहेकै बेला शान्तिनगर गाउँपालिका– ७ बुराडाबरका ३८ वर्षीय पूर्ण बाटैमा अस्ताएका थिए। उनी फागुन २१ मा घानाको राजधानी आक्रामा मृत फेला परेका थिए।