न्यायपालिकाको स्वतन्त्रता र गरिमा सरकारभन्दा माथिको विषय हो : आङदेम्बे

नेपाली कांग्रेसका नेता तथा प्रतिनिधिसभा सदस्य भीष्मराज आङदेम्बेले पूर्वप्रधानन्यायाधीशलाई पक्राउ गरिएको घटनाबारे पनि प्रश्न उठाएका छन्। आज बसेको प्रतिनिधिसभाको बैठकमा बोल्दै उनले पूर्वप्रधानन्यायाधीश चोलेन्द्र शमशेर जबरा पक्राउ परेको विषयमा सरकारलाईै प्रश्न गरेका हुन्।

कुनै आधार, प्रमाण र कानुनी प्रक्रिया बिना मध्यरातमा आफ्नै घरमा सुतिरहेका पूर्वप्रधानन्यायाधीशलाई प्रहरीले पक्राउ गरेर लैजानु कानुनी राज्यको उपहास भएको उनको भनाइ थियो। साथै कारणबिनै छाडिएको भए त्यो पनि गैरजिम्मेवारपूर्ण कार्य हुने उनले बताए।