निजामती विधेयकमा के छन् नयाँ व्यवस्था ?

काठमाडौं : लामो समयको रस्साकस्सीपछि सरकारले संघीय निजामती सेवासम्बन्धी विधेयक संसदमा दर्ता भएको छ। संघीय निजामती सेवासम्बन्धी कानुनलाई संशोधन र एकीकरण गर्न बनेको विधेयक बिहीबार भूमि व्यवस्था, सहकारी तथा संघीय मामिला मन्त्री प्रतिभा रावलले प्रतिनिधिसभामा पेस गरेकी हुन्।

विधेयकले संघीय निजामती प्रशासनको संरचना, कर्मचारीको अवकाश, पदपूर्ति, सरुवा-पदस्थापन, कार्यसम्पादन, आचरण तथा सेवा सुविधासहितका विषयमा नयाँ व्यवस्था प्रस्ताव गरेको छ।