विपद् अध्ययनका लागि राष्ट्रिय सभामा छुट्टै विशेष समिति गठन

राष्ट्रिय सभाले भोटेकोशी तथा कालीगण्डकी करिडोर क्षेत्रमा भएका विपद्का घटनाको अध्ययन, अनुगमन तथा प्रभावितको पुनर्स्थापना र पुनर्निर्माणका लागि ‘भोटेकोशी तथा कालीगण्डकी करिडोर विपद् सम्बन्धी अध्ययन तथा अनुगमन संसदीय विशेष समिति’ गठन गरेको छ।

राष्ट्रिय सभाको बिहीबारको बैठकमा समिति गठनबारे अध्यक्ष नारायणप्रसाद दाहालले सोबारे जानकारी दिएका हुन्। अध्यक्ष दाहालका अनुसार समितिले भदौ १० गते रसुवाको भोटेकोशी नदीमा आएको विनाशकारी बाढीबाट रसुवा, नुवाकोट, धादिङ, गोरखा, चितवन तथा नवलपरासी पूर्व र पश्चिममा भएको जनधनको क्षतिको अध्ययन गर्नेछ। साथै असोज ९ देखि ११ गतेसम्मको अविरल वर्षाका कारण विभिन्न जिल्लामा भएको क्षतिको समेत अध्ययन तथा अनुगमन गरिनेछ।