नेपालगन्जमा ‘क्रस बोर्डर टुरिजम कन्क्लेभ’ सुरु

नेपालगन्ज। नेपालगन्जमा ‘क्रस बोर्डर टुरिजम कन्क्लेभ’ शनिबारदेखि सुरु भएको छ । नेपाल पर्यटन बोर्डको आयोजना तथा नेपाल एसोसिएसन अफ टुर एण्ड ट्राभल एजेन्ट्स (नाट्टा) बाँके च्याप्टरको संयोजनमा सुरु भएको कन्क्लेभमा नेपाल र भारतका पर्यटन साझेदार तथा सरोकार भएका निकायका प्रतिनिधि सहभागी छन् ।

कन्क्लेभको शुभारम्भ गर्दै नेपालगन्ज उपमहानगरपालिकाका प्रमुख प्रशान्त विष्टले धार्मिक पर्यटनका हिसाबले नेपालगन्ज प्रख्यात रहेको उल्लेख गर्दै भारतीय पर्यटकलाई आकर्षित गर्न हामी सबैको साझा प्रयास, समन्वय र सहकार्य आवश्यक पर्ने बताए ।