रास्वपाबाट मोरङ–१ मा यज्ञमणि न्यौपाने उम्मेदवार

काठमाडौँ । राष्ट्रिय स्वतन्त्र पार्टी (रास्वपा) ले मोरङ क्षेत्र नम्बर १ बाट प्रतिनिधिसभा सदस्य निर्वाचनका लागि यज्ञमणि न्यौपानेलाई उम्मेदवार बनाएको छ ।

न्यौपाने स्वयमले आइतबार साँझ सामाजिक सञ्जाल फेसबुकमार्फत एक तस्बिर सार्वजनिक गर्दै आफूलाई पार्टीले मोरङ–१ बाट प्रतिनिधिसभा निर्वाचनका उम्मेदवार बनाएको जानकारी दिएका हुन् । उनले पार्टीले दिएको जिम्मेवारी र विश्वासलाई पूर्ण रूपमा पालना गर्दै नागरिक स्तरमै पुगेर पार्टीका एजेन्डा स्थापित गर्ने प्रतिबद्धता जनाएका छन्।