बङ्गलादेशको रेल भौतिक पूर्वाधार मजबुत बनाउन एसियाली विकास बैङ्कको सहयोग

एसियाली विकास बैङ्क र बङ्गलादेश सरकारले देशको दक्षिणपूर्वी क्षेत्रमा पर्ने ३५ किलोमिटर लामो रेलमार्ग स्तरोन्नति गर्ने उद्देश्यले कुल ६८ करोड ८० लाख अमेरिकी डलर बराबरको ऋण सम्झौतामा हस्ताक्षर गरेका छन् ।

एसियाली विकास बैङ्कका अनुसार यस परियोजनामार्फत ढाका–चट्टोग्राम–कक्सबजार मार्गमा सहज, सुरक्षित र प्रभावकारी यातायात सञ्जाल विकास गरिनेछ, जसले क्षेत्रीय यातायात क्षमतामा वृद्धि गर्नुका साथै आर्थिक गतिविधिलाई गति दिने अपेक्षा गरिएको छ ।