शीर्ष स्थानमा फर्कियो रियल

स्यान्टियागो बर्नेबाउ । एक गोलले पछि परेको स्थिति उल्टाउँदै रियल मड्रिडले रियल सोसिडाडलाई २–१ गोल अन्तरले हराएको छ । जीतसँगै सिजनमा शत प्रतिशत नतिजा राखेर रियल स्पेनिस ला लिगाको शीर्ष स्थानमा उक्लिएको छ ।

खेलको पाँचौ मिनेटमा नै बारेनेटसियाले रियलको घरेलु समर्थकलाई स्तब्ध बनाएका थिए । तर, दोस्रो हाफको सुरुवातमा नै फेडेरिको भालभर्डेले रियलका लागि बराबरी गोल फर्काए । ६० औँ मिनेटमा जोसेलुले विजयी गोल गर्दै रियलको पुनरागमन पूरा गरे । दुवै गोलको अवसर फ्रान गार्सियाले सिर्जना गरेका थिए ।