‘भ्रष्टाचारीलाई कारबाही गर्न सरकारले खुट्टा कमाउनु हुँदैन’- धमला

काठमाडौँ । स्वतन्त्र नागरिक अभियानका अध्यक्ष ऋषि धमलाले वर्तमान सरकारलाई भ्रष्टाचार नियन्त्रणमा बिना हिचकिचाहट कडा कदम चाल्न आग्रह गरेका छन् । रिपोर्टर्स क्लब नेपालमा आयोजित साक्षात्कार कार्यक्रममा बोल्दै धमलाले ६ महिनाको अवधिमा सरकारले केही राम्रा काम गरे पनि भ्रष्टाचार र बेथितिविरुद्ध अझै सशक्त हुनुपर्ने बताएका हुन् ।

कार्यक्रममा बोल्दै अध्यक्ष धमलाले भ्रष्टाचारीलाई कारबाही गर्ने मामलामा बालेन सरकारले कुनै पनि हालतमा खुट्टा कमाउन नहुने जोड दिए । आगामी दशैँ-तिहारपछि प्रधानमन्त्री बालेन शाह भारत भ्रमणमा जान लागेको प्रसङ्ग उल्लेख गर्दै उनले नेपाल-भारत सम्बन्धलाई थप सुदृढ बनाउन यो भ्रमण सकारात्मक कदम हुने बताए । “नेपाल र भारतबीचको सम्बन्धलाई अझ राम्रो र मजबुत बनाउनुपर्छ, दशैँ-तिहारपछि प्रधानमन्त्री बालेन शाह भारत भ्रमणमा जाँदै हुनुहुन्छ, त्यो राम्रो विषय हो,” उनले भने ।