नापीका सर्वेक्षकले ७ करोड कमाउँदा, खर्च १२ करोड: झन्डै ५ करोड बिगोसहित भ्रष्टाचार मुद्दा

नापी कार्यालय कलंकी, काठमाडौंका सर्वेक्षक सुविन्द्र श्रेष्ठविरुद्ध ४ करोड ७४ लाख रुपैयाँभन्दा बढी गैरकानुनी सम्पत्ति आर्जन गरेको अभियोगमा विशेष अदालतमा भ्रष्टाचार मुद्दा दायर भएको छ।

अख्तियार दुरुपयोग अनुसन्धान आयोगले स्रोत नखुलेको सम्पत्ति जफत गर्ने प्रयोजनका लागि उनकी श्रीमती कमला श्रेष्ठलाई समेत प्रतिवादी बनाएको छ।