सुदूरपश्चिम रोयल्सको लक्ष्य उपाधि जित्ने छ: प्रशिक्षक टमाटा

काठमाडौँ। अपराजित रहँदै छैटौँ जीतसहित सुदूरपश्चिम रोयल्सले राजधानीमा जारी दोस्रो संस्करणको नेपाल प्रिमियर लिग (एनपिएल) मा पहिलो क्वालिफायरमा प्रवेश गरेको छ । आज भएको खेलमा चितवन राइनोजलाई ४९ रनले हराउँदै सुदूरपश्चिमले १२ अङ्क जोड्दै एक खेल अगावै क्वालिफायरमा स्थान सुरक्षित गरेको हो ।

साबिक उपविजेता सुदूरपश्चिमको लक्ष्य उपाधि जित्ने रहेको उक्त टोलीका प्रशिक्षक जगत टमटाले बताए । उनले भने, ‘हामो लक्ष्य च्याम्पियन बन्ने हो, यसपाली जसरी पनि उपाधि रक्षा गर्छाैँ ।’