प्रिमियर लिगः ब्रेन्टफोर्ड र टोटनह्यामको खेल गोलरहित बराबरीमा टुंगियो

काठमाडौँ । इङ्लिस प्रिमियर लिगअन्तर्गत शुक्रबार सम्पन्न खेलमा ब्रेन्टफोर्ड र टोटनह्याम हट्सपरबीचको प्रतिस्पर्धा गोलरहित बराबरीमा सकिएको छ । दुवै टोलीले खेलभरि अवसर सिर्जना गरे पनि फिनिसिङ कमजोर हुँदा गोल हुन सकेन ।

यस बराबरीपछि टोटनह्यामले २६ अंकसहित तालिकाको १२औँ स्थानमा आफूलाई कायम राखेको छ । उता ब्रेन्टफोर्ड २७ अंक जोड्दै ९औँ स्थानमा उक्लिएको छ । दुवै टोली तालिकामा आफ्नो स्थान सुधार्ने लक्ष्यसहित मैदान उत्रिए पनि अन्ततः अंक बाँड्न बाध्य भए ।