बालुवाटारमा प्रधानमन्त्री देउवासँग पड्किए पौडेल, मन्त्रीको नाम दिनेबारे कुरै भएन

काठमाडौं, २० असोज । प्रमुख सत्तारुढ दल नेपाली कांग्रेसको शीर्ष नेताहरुको बैठकमा सभापति एवम् प्रधानमन्त्री शेरबहादुर देउवासँग वरिष्ठ नेता रामचन्द्र पौडेलको भनाभन भएको छ । खासगरी सरकारमा सहभागी हुने मन्त्रीहरुको नाम माग्नको लागि सभापति देउवाले पौडेल पक्षका नेताहरुलाई बोलाएका थिए ।

तर, यो विषयमा भन्दापनि पौडेलले पार्टीको महाधिवेशनमा केन्द्रित रहेर कुरा गरेपछि दुई नेताबीच भनाभन भएको हो । बैठकमा सहभागी एक नेताकाअनुसार वरिष्ठ नेता पौडेलले आज पार्टीको १४ औं महाधिवेशन तयारी, क्रियाशील सदस्यता विवाद, पार्टी कार्यालय सानेपामा कार्यकर्ताको धर्नालगायत विषयमा कुरा उठाएका थिए ।