एकीकृत समाजवादीको चौथो स्थापना दिवस भदौ ९ मा, देशभर कार्यक्रम हुने

काठमाडौँ । नेपाल कम्युनिस्ट पार्टी (एकीकृत समाजवादी) ले आउँदो भदौ ९ गते पार्टीको चौथो स्थापना दिवस देशभर विभिन्न कार्यक्रमसहित मनाउने भएको छ।

पार्टीले मातहतका सबै जिल्ला कमिटी, प्रदेश, स्थानीय तहका सङ्गठन र जनवर्गीय संस्थालाई दिवसको अवसरमा सरसफाइ, वृक्षारोपण, रक्तदान, अन्तरक्रिया, स्मारिका विमोचन र शुभकामना आदानप्रदानलगायत कार्यक्रम आयोजना गर्न निर्देशन दिएको छ। केन्द्रीय प्रचार विभागका उपप्रमुख दामोदर अर्यालका अनुसार विदेशस्थित सङ्गठनलाई समेत दिवस मनाउन आह्वान गरिएको छ।