किसान भुक्तानीमा सुधारसँगै दूधको गुणस्तरमा संस्थानको कडाइ

काठमाडौं। दुग्ध विकास संस्थानले किसान भुक्तानी, दूधको गुणस्तर, बजारीकरण तथा वित्तीय अनुशासनमा सुधार गर्दै आफ्नो कार्यसम्पादन प्रभावकारी बनाएको जनाएको छ।

संस्थानका अनुसार किसानलाई भुक्तानी दिने अवधि गत वर्षको सोही अवधिमा करिब ६ महिना रहेकामा अहिले घटाएर एक महिनाभित्र सीमित गरिएको छ। आगामी असोजभित्र भुक्तानी अवधि २५ दिनमा झार्ने लक्ष्य संस्थानले लिएको छ।