संसदीय समितिले सेनापति बोलाउने कि रक्षा मन्त्री ?

संसद्का महत्वपूर्ण खम्बा मानिन्छन् संसदीय समितिहरू । संसद्मा ह्विप लाग्छ तर समितिमा सबै राजनीतिक दलका सदस्यले आफ्ना कुरा खुला रूपमा राख्न पाउँछ, त्यहाँ दलको ह्विप लाग्दैन । संसद्ले पास गर्ने जुनसुकै विधेयकका विषयमा संसदीय समितिमा गम्भीर छलफल हुन्छ/हुनुपर्छ ।

विधेयकहरू कसरी प्रस्तुत गर्ने भन्ने विषयको बहस समितिमा टुंगिएपछि मात्र संसद्मा टेबुल गर्ने परम्परा छ । विधेयक एकैपटक संसद्मा पेश गर्दा टुंगोमा पुर्‍याउन कठिन हुन्छ भनेरै संसदीय समितिको परिकल्पना गरिएको हो ।