निर्वाचन सुरक्षा: यी चार ठाउँमा रहनेछन् सेनाका हेलिकोप्टर, आधा घण्टामा जुनसुकै मतदान केन्द्रमा पुग्ने

नेपाली सेनाले चुनावको १० दिन पहिलेबाटै उपत्यकाबाहिर तीन ठाउँमा हेलिकोप्टरसहितको टोली तयारी अवस्थामा राख्ने भएको छ। चुनावमा हुन सक्ने सुरक्षा खतरालाई मध्यनजर गर्दै सेनाले पूर्वी कमान्डको इटहरी, मध्य कमान्डको पोखरा र पश्चिम कमान्डको सुर्खेतमा हेलिकोप्टरसहितको टोली ‘स्ट्यान्डबाइ’ राख्ने सैनिक प्रवक्ता नारायण सिलवालले जानकारी दिए। यसबाहेक सैनिक मुख्यालयमा हवाई गस्तीसहितको थप टोली रहनेछ।

सरकारले हरेक मतदान केन्द्रमा बढीमा ३० मिनेटमा पुग्ने गरी सेनालाई तयार रहन कार्यादेश दिएपछि सोहीअनुसार सेनाले तयारी गरेको हो।