उपनिर्वाचनपछि मात्रै सरकारलाई पूर्णता

काठमाडौं । राष्ट्रिय स्वतन्त्र पार्टी र जनमत पार्टीलाई पर्खंदा आठौंपटक मन्त्रिपरिषद् विस्तार गर्दै सरकारलाई पूर्णता दिने प्रधानमन्त्री पुष्पकमल दाहाल प्रचण्डको योजना १० वैशाखको प्रतिनिधिसभाको उपनिर्वाचन अघि असम्भव देखिएको छ ।

१० पुसमा प्रधानमन्त्री बनेका प्रचण्डले गत १७ चैतमा सातौंपटक मन्त्रिपरिषद् विस्तार गर्दा पनि अपूर्ण बनेको सरकार आठौंपटकको विस्तारमा पनि पूर्ण हुने कि नहुने अझै अलमल छ । मन्त्रिपरिषद्ले पूर्णता नपाउँदा प्रधानमन्त्री प्रचण्डले ६ वटा मन्त्रालय आफैं सम्हाल्दै आइरहेका छन् ।