रोनाल्डोको दुई गोलमा अल नासरको सहज जीत

रियाद । क्रिस्टियानो रोनाल्डोको दुई गोलको मद्दतले अल नासरले साउदी प्रो लिगमा अल ओखदुदमाथि सहज जीत हासिल गरेको छ । शुक्रबार भएको खेलमा अल नासर ३–० गोलले विजयी बन्यो ।

खेलको १३ औँ मिनेटमा सामी अल नाजेईले गोल गर्दै टोलीलाई अग्रता दिलाए । त्यसपछि दोस्रो हाफको ७७ औँ मिनेटमा रोनाल्डोले टोलीको अग्रता दोब्बर बनाए । तीन मिनेटपछि ३८ वर्षीय खेलाडीले ओखदुदका गोलकिपरलाई ३५ यार्ड टाढाबाट चिप गर्दा अल अवाल पार्क स्टेडियममा समर्थकहरू दङ्ग परेका थिए ।