कांग्रेस पर्साका पूर्वसभापति अजय द्विवेदी महाधिवेशन प्रतिनिधिमा चयन भएनन्, ‘त्याग गरेको’ दाबी

वीरगन्ज। नेपाली कांग्रेस पर्साका पूर्वसभापति एवं पूर्वसांसद अजय द्विवेदी पार्टीको १५ औँ महाधिवेशनका लागि महाधिवेशन प्रतिनिधि चयन हुन सकेनन् । कांग्रेसको १५औँ महाधिवेशनअन्तर्गत सम्पन्न क्षेत्रीय अधिवेशनबाट पर्सा क्षेत्र नम्बर १ को महाधिवेशन प्रतिनिधि छनोट हुँदा उनको नाम समावेश नभएको हो ।

पर्सा कांग्रेसका अनुसार तीन दिनअगाडि पर्सा क्षेत्र नम्बर १ का क्षेत्रीय प्रतिनिधिहरूबिच भएको सहमति र भागबन्डाका आधारमा प्रतिनिधि छनोट गरिँदा द्विवेदीको नाम समावेश नगरिएको हो । सोही क्षेत्रीय अधिवेशनबाट महाधिवेशन प्रतिनिधिमा सर्वसम्मत निर्वाचित भएका पूर्वक्षेत्रीय सभापति अरबिन्द गुप्ताले अन्य कार्यकर्ताहरूलाई अवसर दिनुपर्ने भएका कारण द्विवेदी स्वयंले प्रतिनिधि बन्न अस्वीकार गरेको बताएका छन् ।