योजना र कार्यक्रमका आधारमा खेल संघलाई बजेट : सदस्य–सचिव घिसिङ

काठमाडौं । राष्ट्रिय खेलकुद परिषद् (राखेप) का सदस्य सचिव टंकलाल घिसिङले राष्ट्रिय खेल संघलाई उनीहरूको कार्यक्रम र योजनाका आधारमा बजेट दिने व्यवस्था गरिने बताएका छन् ।

काठमाडौंमा मंगलबार आयोजित ‘खेलकुदमा योजना र बजेट कस्तो ?’ भन्ने विषयक खेलकुद पत्रकारसँगको अन्तर्क्रिया कार्यक्रममा बोल्दै आगामी बजेटमा खेल संघको कार्यक्रम र पेस गरेको योजनाका आधारमा बजेटमै अनुदानको व्यवस्था गरिने बताए । उनले खेलकुदले पाएको बजेटलाई प्राथमिकताका आधारमा खर्च गरिने पनि बताए ।