विशेष अदालत गन्हाएको अहिले होइन, यसलाई दुर्गन्धित बनाउने सर्वोच्चमै छन्, सक्छौ भने छानबिन गर

विशेष अदालतका न्यायाधीशहरुको हालको टिममाथि गम्भीर आरोप लगाएर अहिले सर्वोच्च अदालतको फुलकोर्टमा चर्चा भएको समाचार विभिन्न माध्यममा आएका छन् । प्रधानन्यायाधीश मनोजकुमार शर्मा र चोलेन्द्रशमशेर राणाको गठजोडले बजार तातेका बेला कतिपयले आज अन्यत्रै ध्यान मोड्न मातहत अदालतका न्यायाधीशको नाम तोकेर अन्धाधुन्ध टिप्पणी गर्न थालेको पाइएको छ ।

सर्वोच्च अदालतको फुलकोर्टमा कुरा उठेको भन्दै मातहतका अदालतमा काम गरिरहेका न्यायाधीशहरुको नुर गिराउने र विवादमा ल्याउने काम अहिले भइरहेको छ । कसैलाई विशेष अदालतमा आउन मन लागेको भए तिनले प्रधानन्यायाधीशकहाँ गएर इच्छा प्रकट गरे भइहाल्थ्यो । तर आफ्नो व्यावसायिक काममा खटिरहेको न्यायिक जनशक्तिउपर विभिन्न लाञ्छना र आशंकाहरु थोपरेर प्रकारान्तरले भ्रष्टाचारीकै मनोबल बढाउने काम भइरहेको छ । यो कताबाट कसको इशारामा भइरहेको हो भन्ने खोजीको विषय छ ।