लहानबाट हट्यो अनिश्चितकालीन कर्फ्यु, गोलबजारमा भने यथावत्

सिरहा । जिल्ला प्रशासन कार्यालय सिरहाले लहान नगरपालिका क्षेत्रमा लगाएको अनिश्चितकालीन कर्फ्यु हटाएको छ। यद्यपि, गोलबजार क्षेत्रमा भने कर्फ्यु आदेश यथावत् राखिएको प्रशासनले जनाएको छ।

सिरहाका प्रमुख जिल्ला अधिकारी सुरेन्द्र पौडेलका अनुसार पछिल्लो सुरक्षा अवस्थाको विश्लेषण गर्दै लहानमा आज बिहान १० बजेदेखि कर्फ्यु हटाइएको हो। स्थानीय प्रशासन ऐन, २०२८ को दफा ६(क) बमोजिम लहान नगरपालिका क्षेत्रभित्र लगाइएको कर्फ्यु हटाइएको उनले जानकारी दिए।